As construction of the Funan Techo Canal begins to gather steam, the Kingdom is working to develop a legal framework for the management of freshwater ports. The 180km canal will link the Phnom Penh Autonomous Port to international seaports, enhancing access of Cambodian goods to international markets. Minister of Economy and Finance Aun Pornmoniroth chaired…
(ភ្នំពេញ)៖ អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ (គ.ស.ហ.) នាថ្ងៃទី១៣ ខែកុម្ភៈ ឆ្នាំ២០២៥នេះ បានដឹកនាំកិច្ចប្រជុំ គ.ស.ហ. ដើម្បីពិនិត្យ និងពិភាក្សាលើវឌ្ឍនភាពនៃការរៀបចំ និងកែសម្រួលសេចក្តីព្រាង «ក្របខណ្ឌនៃការអភិវឌ្ឍ និងគ្រប់គ្រងអាជីវកម្មកំពង់ផែទន្លេនៅកម្ពុជា»។ «ក្របខណ្ឌនៃការអភិវឌ្ឍ និងគ្រប់គ្រងអាជីវកម្មកំពង់ផែទន្លេនៅកម្ពុជា» ត្រូវបានរៀបចំឡើងក្នុងគោលដៅជំរុញដល់ការអនុវត្តច្បាប់ស្តីពីការដឹកជញ្ជូនតាមផ្លូវទឹក និង «ផែនការមេគ្រប់ជ្រុងជ្រោយស្ដីពីប្រព័ន្ធដឹកជញ្ជូនអន្តរមធ្យោបាយ និងភស្ដុភារកម្មកម្ពុជា ២០២៣-២០៣៣» និងជាផែនទីបង្ហាញផ្លូវ សម្រាប់ក្រសួង-ស្ថាប័នពាក់ព័ន្ធ ក្នុងការរៀបចំផែនការអភិវឌ្ឍ និងវិនិយោគក្នុងវិស័យដឹកជញ្ជូនតាមផ្លូវទឹកទន្លេឱ្យកាន់តែមានប្រសិទ្ធភាព និងស័ក្តិសិទ្ធភាព ។ «ក្របខណ្ឌ» នេះ មានគោលបំណងពង្រីក និងបង្កើនការប្រើប្រាស់ប្រព័ន្ធដឹកជញ្ជូនតាមផ្លូវទឹក តាមរយៈការធ្វើឱ្យប្រសើរឡើងនូវហេដ្ឋារចនាសម្ព័ន្ធដឹកជញ្ជូនតាមផ្លូវទឹក លើកកម្ពស់ប្រសិទ្ធភាពសេវាកំពង់ផែដោយការប្រើប្រាស់បច្ចេកវិទ្យាទំនើប និងការកាត់បន្ថយចំណាយឡូជីស្ទិកសំដៅរួមចំណែកទ្រទ្រង់ចីរភាពនៃកំណើនសេដ្ឋកិច្ចកម្ពុជាក្នុងរយៈពេលវែង និងបង្កើនសមត្ថភាពប្រកួតប្រជែងក្នុងតំបន់ និងសកល ។ ដើម្បីសម្រេចគោលបំណងខាងលើ ក្របខណ្ឌនេះបានដាក់ចេញនូវអភិក្រម ដូចខាងក្រោម៖ ១. ការកំណត់កំពង់ផែយុទ្ធសាស្រ្តរបស់រដ្ឋ, ២. ការកំណត់សសរស្តម្ភចំនួន ៥ រួមមាន៖ ការពង្រឹងក្របខណ្ឌគតិយុត្ត, ការពង្រឹងយន្តការស្ថាប័ន, ការកំណត់អាទិភាពលើយុទ្ធសាស្រ្តវិនិយោគ, ការកំណត់ប្រភពហិរញ្ញប្បទាន និងម៉ូឌែលអភិវឌ្ឍ និងការអនុវត្តបញ្ជីគម្រោង ។ ទន្ទឹមនេះ…
ឈ្មួញ ឬអ្នកជួញដូរធំៗនៅទូទាំងពិភពលោក បានព្យាករថា ពន្ធគយ និងអតិផរណាជាកត្តាដ៏ចម្បង ដែលនឹងជះផលប៉ះពាល់ធ្ងន់ធ្ងរបំផុតមកលើទីផ្សារនានាជុំវិញពិភពលោកក្នុងឆ្នាំ២០២៥ នេះ នៅពេលទីផ្សារនានាត្រៀមទប់ទល់នឹងស្ថានការណ៍ប្រែប្រួលដែលពិបាកនឹងប៉ាន់ស្មាន។ នេះបើយោងតាមការស្ទង់មតិប្រចាំឆ្នាំរបស់ធនាគារវិនិយោគធំបំផុតទី៥ក្នុងពិភពលោក JPMorgan ដែលធ្វើលើបណ្ដាស្ថាប័នដែលជាកូនបំណុលរបស់ខ្លួន។ ធនាគារយក្សអាម៉េរិក JPMorgan ដែលជាធនាគារវិនិយោគធំបំផុតទី៥ ក្នុងពិភពលោក បានអះអាងថា ៥១%នៃអ្នកឆ្លើយសំណួរក្នុងការស្ទង់មតិប្រចាំឆ្នាំរបស់ខ្លួនចំនួន៤,២៣៣នាក់ បានព្យាករថា អតិផរណាបូករួមជាមួយពន្ធគយ គឺជាកត្តាដ៏ចម្បងដែលអាចជះផលប៉ះពាល់ធ្ងន់ធ្ងរបំផុតមកលើទីផ្សារនានាជុំវិញពិភពលោកនៅឆ្នាំ២០២៥។ ការស្ទង់មតិរបស់ខ្លួនក្នុងឆ្នាំ២០២៤ បញ្ហាអតិផរណា ក៏ជាក្ដីបារម្ភកំពូលមួយដែរ ប៉ុន្តែមានចំណែកគ្របដណ្ដប់ត្រឹមតែ២៧% ប៉ុណ្ណោះ នៃអ្នកដែលឆ្លើយតបនៅក្នុងការស្ទង់មតិនោះ។ ការគំរាមកំហែងដោយប្រធានាធិបតីអាម៉េរិក លោក ដូណាល់ ត្រាំ ក្នុងការដំឡើងពន្ធគយលើទំនិញនាំចូលពីបរទេស និងវិស័យសំខាន់ៗមួយចំនួនផ្សេងទៀត បានធ្វើឱ្យទីផ្សារក្នុងពិភពលោកជ្រួលច្របល់ក្រឡាប់ចាក់រួចមកហើយកាលពីពេលថ្មីៗនេះ។ តួយ៉ាង សន្ទស្សន៍ផ្សារហ៊ុនសំខាន់ៗនៅក្នុងពិភពលោកបានដាំក្បាលចុះកាលពីថ្ងៃទី៣ ខែកុម្ភៈ បន្ទាប់ពីលោក ដូណាល់ ត្រាំ បានប្រកាសដំឡើងពន្ធគយ២៥% លើទំនិញនាំចូលពីប្រទេសម៉ិកស៊ិក និងកាណាដា និងដំឡើងពន្ធគយ១០% លើទំនិញនាំចូលពីប្រទេសចិន។ លុះនៅថ្ងៃបន្ទាប់ ពោលគឺថ្ងៃទី៤ ខែកុម្ភៈ សន្ទស្សន៍ផ្សារហ៊ុនសំខាន់ៗទាំងនោះ ក៏បានហក់ឡើងវិញ ក្រោយលោក ដូណាល់ ត្រាំ ប្រកាសពន្យារពេលអនុវត្តការដំឡើងពន្ធគយ២៥% លើប្រទេសម៉ិកស៊ិក និងកាណាដា…
ក្រសួងពាណិជ្ជកម្ម កំពុងស្វះស្វែររកច្រក ដើម្បីពង្រីកការនាំចេញផលិតផលកសិកម្មរបស់កម្ពុជា ទៅកាន់ទីផ្សារពិភពលោក សំដៅជួយលើកកម្ពស់តម្លៃអង្ករកម្ពុជា ឱ្យកាន់តែមានភាពល្អប្រសើរបន្ថែមទៀត។ ជាក់ស្តែងកាលពីពេលថ្មីៗ ក្រសួងពាណិជ្ជកម្មកម្ពុជា បានជួបពិភាក្សាជាមួយក្រុមហ៊ុននាំចូលអង្ករឈានមុខគេលំដាប់កំពូលទាំង៣របស់ជប៉ុន ក្នុងគោលបំណងជំរុញការនាំចេញអង្ករកម្ពុជា ទៅកាន់ទីផ្សារប្រទេសជប៉ុន។ បើតាមសហព័ន្ធស្រូវអង្ករកម្ពុជា ការនាំចេញអង្ករកម្ពុជា ទៅកាន់ទីផ្សារជប៉ុន នាពេលកន្លងមក គឺមានកម្រិតតិចតួចប៉ុណ្ណោះ។ នាជំនួបពិភាក្សាការងារជាមួយក្រុមហ៊ុននាំចូលអង្ករឈានមុខគេលំដាប់កំពូលទាំង៣របស់ជប៉ុន កាលពីពេលថ្មីៗនេះ ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញបានលើកឡើងពីកិច្ចខិតខំប្រឹងប្រែងរបស់ក្រសួងពាណិជ្ជកម្ម តាមរយៈក្រុមការងារជំរុញការនាំចេញ ក្នុងការពង្រីកការនាំចេញផលិតផលកសិកម្ម និងការយកចិត្តទុកដាក់របស់រាជរដ្ឋាភិបាលក្នុងការធានាអង្ករកម្ពុជា អនុលោមតាមស្តង់ដានៃទីផ្សារអន្តរជាតិ ព្រមទាំងចក្ខុវិស័យដ៏ទូលំទូលាយនៃការពង្រឹងទំនាក់ទំនងពាណិជ្ជកម្ម និងការស្វែងរកឱកាសសហការនាពេលអនាគត។ បើតាមការអះអាងរបស់មន្ត្រីជាន់ខ្ពស់រូបនេះ មានក្រុមហ៊ុនជាច្រើនចាប់អារម្មណ៍ក្នុងការស្វែងយល់បន្ថែមពីវិស័យស្រូវអង្កររបស់កម្ពុជា និងបានទទួលស្គាល់ពីសក្តានុពលអង្ករកម្ពុជា ព្រមទាំងបានបង្ហាញពីសុទិដ្ឋិនិយមក្នុងការណែនាំអង្កររបស់កម្ពុជា ទៅកាន់បណ្តាញខ្សែច្រវាក់ផ្គត់ផ្គង់របស់ពួកគេ។ ជាមួយគ្នានេះ លោក លន់ យ៉េង អគ្គលេខាធិការសហព័ន្ធស្រូវអង្ករកម្ពុជា បានចាត់ទុកការជួបពិភាក្សាជាមួយក្រុមហ៊ុននាំចូលអង្កររបស់ជប៉ុន ខាងលើ ជាចំណុចចាប់ផ្តើមមួយក្នុងការជំរុញការនាំចេញអង្ករកម្ពុជា ទៅកាន់ទីផ្សារប្រទេសជប៉ុន។ តែយ៉ាងណា អ្នកជំនាញរូបនេះ គូសបញ្ជាក់ថា បញ្ហាប្រឈមសម្រាប់ការនាំចេញអង្ករកម្ពុជា ទៅកាន់ទីផ្សារប្រទេសជប៉ុន គឺបញ្ហាតម្លៃពន្ធនាំចូលខ្ពស់ ហើយប្រជាជនជប៉ុន ភាគច្រើនក៏មិនប្រើប្រាស់ប្រភេទអង្កររបស់កម្ពុជា នោះទេ។ បើតាមលោក លន់…
តម្លៃអង្ករស នៅក្នុងទីផ្សារអន្តរជាតិ កំពុងមានការធ្លាក់ចុះខ្លាំងគួរឲ្យកត់សម្គាល់នៅខែមករាឆ្នាំនេះ។ ក្នុងនោះ តម្លៃអង្ករស បាក់៥% របស់វៀតណាមបានថយចុះខ្លាំងជាងគេ ពោលគឺមកនៅត្រឹម ៤៣៤ដុល្លារក្នុងមួយតោន ខណៈអង្ករប្រភេទដូចគ្នារបស់ថៃ មានតម្លៃ ៤៧៩ដុល្លារ/តោន, ឥណ្ឌាតម្លៃ ៤៤០ដុល្លារ/តោន និងប៉ាគីស្ថានមានតម្លៃ ៤៤៨ដុល្លារ/តោន។ តើមានកត្តាអ្វីខ្លះ ធ្វើឲ្យតម្លៃអង្ករសរបស់ប្រទេសនាំចេញអង្ករធំៗលើពិភពលោកជួបបញ្ហាដាំក្បាលចុះ? សមាគមអ្នកនាំចេញអង្ករថៃ នៅដើមឆ្នាំ២០២៥នេះ បានព្យាករទុកថា ការនាំចេញអង្កររបស់ប្រទេសថៃ នៅឆ្នាំ២០២៥ នឹងធ្លាក់ចុះ ២៥% បើធៀបនឹងឆ្នាំ២០២៤ ដោយសារតែរងសម្ពាធទីផ្សារនាំចេញពីប្រទេសឥណ្ឌា ដែលជាប្រទេសនាំចេញអង្ករដ៏ធំជាងគេបំផុតលើពិភពលោក។ ថៃ ដែលលជាអ្នកនាំចេញអង្ករធំជាងគេទី២ក្នុងពិភពលោក រំពឹងថា ការនាំចេញអង្កររបស់ខ្លួននៅឆ្នាំនេះ នឹងសម្រេចបានក្នុងបរិមាណ ៧,៥លានតោនប៉ុណ្ណោះ ពោលគឺតិចជាងឆ្នាំ២០២៤ ២,៥លានតោន។ ក្រៅតែពីកត្តាប្រកួតប្រជែងទីផ្សារជាមួយអង្ករឥណ្ឌា បញ្ហាតម្រូវការអង្ករធ្លាក់ចុះនៅទីផ្សារឥណ្ឌូនេស៊ីក៏ជាកត្តារួមផ្សំ ដែលធ្វើឲ្យការនាំចេញអង្កររបស់ថៃដាំក្បាលចុះផងដែរ។ ប្រទេសឥណ្ឌា ដែលបានផ្អាកការនាំចេញអង្ករសរបស់ខ្លួនតាំងពីខែកញ្ញានោះ បានចាប់ផ្ដើមបើកការនាំចេញរបស់ខ្លួនឡើងវិញហើយនៅឆ្នាំ២០២៥នេះ ដោយរំពឹងថា ប្រទេសនាំចេញអង្ករដ៏ធំបំផុតមួយនេះ នឹងនាំចេញអង្កររហូតដល់ ២២លានតោន ពោលគឺលើសពីឆ្នាំ ២០២៤ ប្រហែល ៥លានតោន។ នេះបើតាមការព្យាកររបស់សមាគមស្បៀងអាហារវៀតណាម។ យ៉ាងណាមិញ ប្រទេសវៀតណាម ដែលជាអ្នកនាំចេញអង្ករដ៏ធំបំផុតទី៣ក្នុងពិភពលោកវិញ…
ការនាំចេញទំនិញរបស់មហាយក្សចិន ទៅកាន់ទីផ្សារសហរដ្ឋអាម៉េរិក និងអាស៊ាន មានការកើនឡើងគួរឱ្យកត់សម្គាល់កាលពីខែធ្នូ ចុងឆ្នាំ២០២៤ កន្លងទៅនេះ។ កំណើននេះត្រូវបានជំរុញដោយសារក្រុមហ៊ុនអាជីវកម្មបានបង្កើនការបញ្ជាទិញទុកជាមុន ដើម្បីទប់ទល់នឹងការដំឡើងពន្ធ ដែលគេរំពឹងថា អាចនឹងកើតមានឡើងបន្ទាប់ពីប្រធានាធិបតីជាប់ឆ្នោតរបស់អាម៉េរិក លោក ដូណាល់ ត្រាំ ចូលកាន់តំណែងនៅសប្តាហ៍ក្រោយនេះ។ នេះបើតាមការចេញផ្សាយរបស់សារព័ត៌មាននីកេ។ ទិន្នន័យរបស់ការិយាល័យគយចិន បានបង្ហាញថា ការនាំចេញទំនិញជារួមរបស់ចិន បានកើនឡើងជិត១១% កាលពីខែធ្នូ ឆ្នាំ២០២៤ ដែលជាការកើនឡើងរយៈពេល៩ខែជាប់ៗគ្នា។ ក្នុងនោះការនាំចេញរបស់ចិន ទៅអាម៉េរិក បានកើនឡើងជាង១៥% នៅក្នុងខែធ្នូ នោះ បើធៀបនឹងរយៈពេលដូចគ្នាកាលពីឆ្នាំ២០២៣ ដែលជាកម្រិតខ្ពស់បំផុតគិតចាប់តាំងពីខែកញ្ញា ឆ្នាំ២០២២ មក ខណៈការនាំចេញទៅកាន់ប្លុកអាស៊ាន បានកើនឡើងជិត១៩% ជាកម្រិតខ្ពស់បំផុតមិនធ្លាប់មាន។ តាមរយៈកំណើននេះបានបង្ហាញឱ្យឃើញថា អ្នកនាំចេញរបស់ចិន ទំនងជាកំពុងប្រញាប់បញ្ជូនផលិតផលរបស់ខ្លួនឆ្ពោះទៅកាន់សហរដ្ឋអាម៉េរិក តាមរយៈប្រទេសទី៣ ដើម្បីគេចពីការដំឡើងពន្ធរបស់លោក ត្រាំ។ ការបង្កើនការនាំចេញនេះមានទំនិញជាច្រើនប្រភេទចាប់ពីផលិតផលបច្ចេកវិទ្យាទំនើបដូចជាឧបករណ៍ដំណើរការទិន្នន័យ និងបន្ទះឈីបរហូតដល់សម្លៀកបំពាក់ និងវាយនភណ្ឌ ហើយការនាំចេញដែកថែប រថយន្ត និងឧបករណ៍ប្រើប្រាស់ក្នុងផ្ទះទាំងអស់បានកើនឡើងច្រើនជាង១០% ក្នុងឆ្នាំ២០២៤។ ទន្ទឹមនឹងនេះ ការនាំចូលដែលគិតជាប្រាក់ដុល្លារបានកើនឡើង១% នៅក្នុងខែធ្នូ ឆ្នាំ២០២៤ ក្រោយពីបានធ្លាក់ចុះខ្លាំងបំផុតក្នុងរយៈពេលពីរខែដំបូងនៃត្រីមាសចុងក្រោយនៅឆ្នាំនោះ ហើយការកើនឡើងនេះ ក៏បានផ្ទុយពីការប៉ាន់ស្មានដែលរំពឹងនឹងថយចុះ១,៥%…
